Hornbill Festival 2026-na tarisamsoaniko Nagaland CM Neiphiu Rio nipilanga

Hornbill Festival 2026-na tarisamsoaniko Nagaland CM Neiphiu Rio nipilanga Kohima, Oct 15: Mongolbar salo, Nagaland-ni Skotong Minister Dr. Neiphiu Rio, chang 27-gipa Hornbill Festival 2026-ko Kisama Heritage Village ba songo manina tarisamsoani kamrangko nipilangaha. Ia festival-ko chu·sokgipa ong·atna gita pilak sorkarini department-rang aro gipin dolrangko apsan nangrime kamko ka·na nangchongmotani bidingo ua aganangaha. Tourism Minister Temjen Imna Along baksana dingtang dingtang department-rangni gipin official-rangba dongpae ia tom·anio bak ra·angpaaha. “Hornbill Festival” jekon Festival of Festivals” ineba u·itokachim, ian Nagaland a·doko songdonggipa manderangni dakbewal rikbewal, jatni doka dam·ani, chrok mesaani, jaktangchi tarigipa bosturang, cha·ani ringanirang aro bebe ra·aniko maniani ong·a. Ia Festival ba manianiara gipin biaponi songrebagiparangko salbaan baksana jolni git ring·na sapgiparang, dakmesokgiparang aro bading chiwalaniko dakgipa nokgiparangko uamangni changa sapaniko mesokna aro bosturangko palna gita cholko on·a. Na·simang iakoba poraina man·gen: Gitcham MDC S Galmendarsingh Lyngdoh-ni sianina KHADC kalima na·simang hubnetwork.in, oniko video-ko niangan baksa poraina man·gen.